Ako'y bilanggo ng nakaraan
buhay na patay sa mundong
ginagalawan sa kasalukuyan
dahil
sa pangako ng puso
na aking pinangangatawanan.
Maraming pagkakataon
ang aking pinalampas
mga relasyong disin sana'y
bigkis ng pagmamahalan.
Ngunit alaala ng pangako
ang siyang humahadlang
tila ba isang anino na lagi
sa aking
likuran.
Ako'y nabubuhay sa nakaraan
di kaylanman umusad
at namuhay sa kasalukuyan.
Nais ko ngayo'y umigpaw
mula sa nakaraan
harapin ang kasalukuyan
palayain ang bilanggo
kong puso,
Lumaya at muling mabuhay!
24 Hunyo 1995
