Binigyan laya ko
ang ibon.
Sa pagkakabihag
pinawalan,
hinayaang pumailanlang
sa kalangitan.
Bumalik ang ibon
sa aking kandungan
'pagkat sa aking katauhan
kanyang natagpuan
muling
pagkabuhay
mula sa kamatayan.
O ibon wika mo'y
bihagin, angkinin
ang iyong kalayaan
upang ika'y mabuhay
sa piling
ko
kailanman.
Hiyaw ng puso ko'y
taliwas sa 'yong pagsamo
paghihirap ng loob
ay di ko matanto.
Palayain,
palayain
ang ibon
sa kalangitan
upang ako'y
mabuhay
nang mag-isa
sa kawalan.