Rinuk-atak
ti tumatayab.
Iti pannakaitangkalna
rinuk-atak
binay-ak a nagpayakpak
iti law-ang.
Nagsubli ti tumatayab
iti saklotko
nasarakanna iti kinataok
ti baro a biag
manipud
ken patay.
O tumatatayab inyareng-engmo
baludem, tagikuaem
ti wayawayam
tapno agbiagka
iti sidongko
iti
agnanayon.
Ikkis ti pusok
sabali ti ibagbagana
dagiti parikutko
ulawendak.
Ruk-atan,
ruk-atan
ti tumatayab
iti law-ang
tapno agbiagak
agbiag a maymaysa
iti
ikub ti kinapanglaw.
15 Agosto 1995
