Inside ACO's Poetic Mind
Kaduaennak
Home
About ACO
My Heart & Soul
Memorabilia
Mga Tula in Filipino
Mga Tula in English
Mga Tula in Iloko
Mula sa Baul
Mga Bagong Likha
Artworks
Links

 
 
Iti kaadalman ti rabii
agmaymaysaak
a mangun-unor ti dana
a diak
ammo ti turongenna
iti ikut nakusnawen a laglagip
 
Apulpulikaaw
daytoy pusok iti law-ang
iti sab-ok ti kasipngetan
ta mariknak itan
ti kinakurapayko.
 
Kaanonto nga aglawag ti biagko
iti gemgem ti narungsot
ken napaidam
a gimong.
 
Ket iti isasangbay
dagiti mapait a laglagip
kawawen ti panunotko
ta kayatkon ti agibales
ngamin dayta itan ti mariknak.
 
Gayyem, awisenka
ta kaduaennak
ket itandudota
ti kappia,
ti wayawaya.
 
Ti sistema a mangirurumen
masapul a mapukawen
tapno ti balligi
agwagayway
iti law-ang.
 
15 Agosto 1995
 

Abigail Cruz Oliva
 
**Salin ni Cristino I. Inay Sr.